Хотын дарга Х.Нямбаатар өнөөдөр өглөө зуслангийн зам дагуу алхаж явахдаа хогоо замын хажууд хаяж байгаа иргэдтэй таарчээ. Хог хаясан машинтай хоёр иргэн маргаан дэгдээсэн байна. Энэ тухай цахим хуудсандаа мэдээлэл нийтэлжээ.

Тэрбээр "Замын хажууд болон автобусны буудал дээр хог овоолсон байна. Эдгээр хог нь ийш тийш тараад байдаг. Хог тээврийн компаниуд зориулалтын цэгээс хогоо авах ёстой. Зөрчлийн хуулиар арга хэмжээ авдаг албан тушаалтнууд ажлаа хийх хэрэгтэй байна.

“Ядарсан хөгшчүүд” ч хогоо зам дээр хаях ёсгүй. 

Иргэд хогоо цэвэрлээч гэж шаарддаг. Гэтэл ухамсрын доройтолтой зарим нэгэн хогоо замбараагүй хаяж хүнд байдалтай болгож байна. Иймд хандлагаа өөрчилж, хотоо цэвэр цэмцгэр байлгая" гэж уриалав.