Дорноговь аймагт өчигдөр их хэмжээний бороо орсон учир Хамарын хийд рүү явах хөдөлгөөнийг хязгаарлажээ.  

Мөн тус аймгийн Сайншанд сумын III, VI, VIII, VIII дугаар багт өчигдөр 18:50-19:30 цагийн үед усархаг бороо орсны улмаас дөрвөн айлын байшин, мөн тооны айлын гэр усанд автсан байна. Дорноговь аймгийн Онцгой байдлын газрын алба хаагчид дөрвөн айлын байшинд орсон найман тонн усыг соруулж, дөрвөн гэрийн усыг гадагшлуулж, зургаан иргэнийг аюулгүй газарт хүргэжээ.