Өмгөөлөгч Г.Батбаяр өнгөрсөн дөрөвдүгээр сарын 21-нд гэрээсээ гараад сураггүй алга болсон байдаг. Улмаар ар гэрийнхэн нь цагдаагийн байгууллагад хандсанаар дөрөвдүгээр сарын 27-ны өдөр ХУД-ийн 22 дугаар хорооны нутаг дэвсгэрт байрлах "Богд хан" амралтын газрын зогсоолд байрлуулсан машиндаа нас барсан байдалтай байхыг олж тогтоосон.

Үүнээс хойш задлангийн болон бусад шинжилгээний хариу дүгнэлтүүд хэрхсэн талаар Цагдаагийн байгууллагаас тодруулахад "Г.Батбаяр агсны амь насаа алдсан шалтгаан, нөхцөл байдлыг тогтоох шинжилгээний хариу дүгнэлтүүд гарч хэргийн оролцогч нарт танилцуулж эхэлсэн нь үнэн. Шат дамжлагынхаа дагуу үхлийн шалтгаан тогтоох, эд зүйлс, биологи, ДНХ, харилцаа холбоо зэрэг олон төрлийн шинжилгээ хийхээр шинжээч нар ажилладаг" гэлээ.

Ташрамд дурдахад, хэргийн оролцогч гэдэгт хохирогч болон хохирогчийн хууль ёсны төлөөлөгч, түүний өмгөөлөгч, гэрч зэрэг багтдаг аж.