14:37 2024/06/04

Төв аймгийн Баянчандмань сумын Чандмань баг дахь шувууны аж ахуйн байшин шатаж байна гэсэн дуудлагын дагуу Сонгинохайрхан дүүргийн Онцгой байдлын хэлтсийн Гал түймэр унтраах, аврах 26 дугаар анги, Баянгол дүүргийн Онцгой байдлын хэлтсийн Гал түймэр унтраах, аврах 18 дугаар анги, Төв аймгийн Батсүмбэр сум дахь Гал түймэр унтраах, аврах 84 дүгээр ангийн алба хаагчид ажиллаж, гал түймрийн тархалтыг 08:50 цагт зогсоож, 14:20 цагт бүрэн унтраасныг ОБЕГ-аас мэдээллээ.

11:18 2024/06/04

ОБЕГ-аас 11:16 цагт өгсөн мэдээллээр шувууны аж ахуйд гарсан гал түймрийн тархалтыг зогсоожээ.

Одоо Төв аймгийн Баянчандмань сумын ЗДТГ-аас экскаватор дайчлан задаргаа хийж, бүрэн унтраахаар ажиллаж байгааг мэдээллээ.

07:59 2024/06/04

Шувууны аж ахуйн барилгад өнөөдөр өглөө гал гарчээ.

Энэ талаар ОБЕГ-аас "Төв аймгийн Баянчандмань сумын "Чандмань" баг шувууны аж ахуйн байшин шатаж байна гэсэн дуудлагыг зургаадугаар сарын 4-ний 04:52 цагт хүлээн авсан.

Дуудлагын дагуу Сонгинохайрхан дүүргийн Гал түймэр унтраах, аврах 26 дугаар анги, Баянгол дүүргийн Онцгой байдлын хэлтсийн 18 дугаар анги, Төв аймгийн Батсүмбэр сум дахь 84 дүгээр ангийн алба хаагчид ажиллаж байна.

Алба хаагчдыг очиход шувууны үйлдвэрийн 18х110 метрийн хэмжээтэй есөн сендвичэн барилгын дөрөв нь галд өртсөн бөгөөд эдгээрийн гурав нь агуулах, нэг нь оффисын зориулалттай барилга. Галыг унтраахаар ажиллаж байна" гэж мэдээллээ.