Баянзүрх дүүргийн 11 дүгээр хороо буюу Маршалын гүүрний урд тал, Их тэнгэрийн амны уулзвараас Баянзүрхийн товчооны шинэ гүүрний уулзвар хүртэлх авто замыг засварлахаар болжээ. 

Иймд зургаадугаар сарын 1-ний 23:00 цагаас 3-ны 06:00 цагийн хооронд тус замыг хаах юм.

Энэ хугацаанд Скай резорт, Хүрхрээгийн амны төмөр зам дээгүүрх гүүрэн гарцаас Баянзүрхийн гүүр хүртэлх 750 метр авто замын зорчих хэсгийн асфальт бетон хучилт болон тэмдэглэгээний ажил хийгдэнэ.

Иймд иргэд, жолооч та бүхэн бусад замыг сонгон хөдөлгөөнд оролцоно уу гэж Нийслэлийн Замын Хөгжлийн Газраас мэдээллээ.