Өчигдөр буюу пүрэв гарагт ОХУ-ын Алтайн хязгаарт байдаг ерөнхийлөгч Путиний зуслан гэгддэг байгууламж бүрэн шатсан тухай тус улсын хэвлэлүүд мэдээлжээ.

Энэ талаар сошиал идэвхтэн Амир Айташев “Алтайн Бүгд Найрамдах Улсын Онгудай дүүрэг дэх Путиний зуслангийн байшинд гал гарчээ. 2015 онд ОХУ-ын ерөнхийлөгч Путин Италийн ерөнхий сайд Берлусконийг хүлээн авч байсан өргөөний нэг хэсэг шатаж байна” гэж телеграм хуудсандаа бичин, зургийг нийтэлсэн байна. Гал гарсан талаар орон нутгийн онцгой байдлын албаныхан мэдээлэл өгөхөөс татгалзжээ.

Анх Алтайн хязгаарын эрх баригчид тус байгууламжийг “Газпром” компанийн зочид буудал, аялал жуулчлалын цогцолбор гэж танилцуулж байсан ч гурван тэрбум рублийн өртгөөр боссон тухай 2010 онд нууцаас задарсан бичиг баримтад өгүүлсэн байна.

Эх сурвалж: Odessa Journal