17:26 2024/05/29

Цагдаагийн байгууллагад 2024 оны тавдугаар сарын 29-ний 15:54 цагт Сүхбаатар дүүргийн хорооны нутаг дэвсгэрт байх "Үндэсний соёл амралтын хүрээлэн"-д 18-19 орчим насны иргэн Галзуу хулгана тоглоом дээр суугаад бууж ирэх үедээ нас барсан байдалтай байна гэх мэдээллийг ирүүлсэн.

Уг дуудлага мэдээллийн дагуу нутаг дэвсгэр хариуцсан цагдаагийн газрын жижүүрийн шуурхай бүрэлдэхүүний алба хаагчид хойшлуулшгүй ажиллагааг явуулж байна гэж Цагдаагийн Ерөнхий Газраас мэдээлэв.

16:50 2024/05/29

Үндэсний Соёл Амралтын Хүрээлэн буюу паркийн Галзуу хулгана тоглоом дээр тоглож байсан 13-15 насны хүүхэд унаж нас барсан гэх мэдээлэл гараад байна. 

Энэ талаар Цагдаагийн Ерөнхий Газар(ЦЕГ)-аас тодруулахад "Одоогоор Сүхбаатар дүүргийн цагдаагийн I хэлтсийн бүрэлдэхүүн энэ хэргийг шалгаж байна. Бууж ирэхдээ нас барсан байдалтай байсан гэх мэдээллийг авлаа. 16-17 насны хүүхэд байсан" гэлээ.