Сонгинохайрхан дүүргийн 27 дугаар хорооны нутаг дэвсгэрт “Монтайбүрд” ХХК 576 айлын "Хөх дэгд" орон сууцны барилгын хохирогчид өлсгөлөн зарлаад 26 хонож байна. Дээрх хугацаанд өлсгөлөн зарласан иргэдийн биеийн байдал муудаж, Сонгинохайрхан дүүргийн нэгдсэн эмнэлэгт хүргэгджээ.

Тодруулбал, өчигдрийн байдлаар зарим иргэн шээсээр уураг алдаж, улаан эс цагаан эс нь алдагдаж, сахаргүй хүн сахартай болох хүртэл өвчлөлд өртжээ. Түүнчлэн хоёр иргэн нойр булчирхайн архаг үрэвсэлтэй болж, нэг иргэн ухаан алдаж эмнэлэгт хэвтсэн байдалтай байна.

Хохирогчдын хувьд нэг жилийн өмнө байрныхаа төлбөрийг төлсөн бөгөөд барилгын ажил нь эхлээгүй, зөвхөн ухсан нүхнээс өөр зүйлгүй “Монтайбүрд” ХХК-аас  төлсөн мөнгөө буцааж авахыг шаардсан боловч тодорхой шийдэлд хүрч чадахгүй байсаар байна.