Москва хотын нэг оршин суугч үсээ Украины далбааны өнгөөр будуулсан шалтгаанаар шүүхээс торгуулийн шийтгэл хүлээжээ.

Дөрөвдүгээр сарын сүүлээр автобусны зогсоолд бусдад зодуулж, гар утсаа дээрэмдүүлсэн Станислав Нетесов болсон явдлын талаар мэдүүлэхээр цагдаагийн хэсэгт очсон байна.

Гэтэл үснийх нь өнгийг харсан цагдаа нар эсрэгээрээ өөрийг нь саатуулжээ.

Ингэхдээ ногоон, цэнхэр, шар өнгө алаглуулан будуулсан Нетесовын үс Украины далбааг санагдуулж байгаа тул “Оросын зэвсэгт хүчнийг шүүмжилсэн” хэрэгт буруутгасан байна.

Тверской дүүргийн шүүхэд мэдүүлэхдээ Нетесов “миний үсний өнгө Украинтай ямар ч холбоогүй. 2017 оноос хойш үсээ ингэж будуулж байгаа” гэж тайлбарлажээ.

Гэвч шүүх түүнийг “Оросын армийн нэр хүндийг олон нийтийн дунд унагаах” үйлдэл гаргасан гэж үзээд 50,000 рублиэр ($550) торгох шийдвэр гаргасан байна.

Эх сурвалж: AFP