15:55 2024/05/20

Эмэгтэйчүүдийн 57 кг-д Л.Энхрийлэн Австрийн Лаура Каллингерийг ялснаар дараагийн тойрогт Германы Паулин Старкетай хүч үзэхээр боллоо. 

Мөн энэ жинд М.Ичинхорлоо Энэтхэгийн жүдоч Ямини Моуряг буулган авч хоёрдугаар тойрогт Өмнөд Африкийн Жасмин Мартинтай оноолт таарсан юм.

Эрэгтэйчүүдийн 73 кг-д Б.Эрдэнэбаяр Молдавын Петру Пеливаныг ялснаар хоёрын даваанд Тажикистаны Бехрузи Хожазодатай учраа таарав. 

Мөн тус жинд зодоглосон Л.Анхзаяа Жибутигийн Аден-Александр Хоуссенийг үнэлгээгээр ялснаар Гүржийн Лаша Шавдатуашвилитэй дараагийн даваанд барилдахаар боллоо.

14:26 2024/05/20

Арабын Нэгдсэн Эмират улсын Абу Даби хотноо жүдо бөхийн Дэлхийн Аварга Шалгаруулах Тэмцээн (ДАШТ) болж буй билээ. Тэмцээний хоёр дахь өдөр эмэгтэйчүүдийн 57 кг (41 жүдоч), эрэгтэйчүүдийн 66 кг (58 жүдоч), 73 кг-д (52 жүдоч) хүч үзэхээр болсон юм.

Манай жүдочдоос 57 кг-д Л.Энхрийлэн, М.Ичинхорлоо, эрэгтэйчүүдийн 66 кг-д Ё.Басхүү, Б.Эрхэмбаяр, 73 кг-д Б.Эрдэнэбаяр, Л.Анхзаяа нар өрсөлдөнө.