Тавдугаар сарын 10-12-ний өдрүүдээр явагдах Астанагийн Их дуулга тэмцээнд 88 орны 493 жүдоч хүч сорихоор мэдүүлгээ өгчээ.

"Парис-2024" олимпын эрхийн оноо цуглуулах эл хариуцлагатай тэмцээнд Монголын 11 жүдоч барилдана. Энэхүү тэмцээнд түрүүлсэн тамирчид олимпын эрхийн 1000 оноог, үзүүрлэвэл 700 оноо авах бол хүрэл медалийг 500 оноо дагалдана.

Эрэгтэйчүүдийн:

60 кг-д залуучуудын Азийн АШТ-ий хошой хүрэл медальт Н.Мэндсайхан (20 настай)

66 кг-д өнөө жилийн Улсын АШТ-ий түрүү бөх Л.Сумьяа

73 кг-д дэлхийн аварга Ц.Цогтбаатар, Их дуулга ангиллын алт, хүрэл медальт Б.Эрдэнэбаяр нар

81 кг-д 2021 оны Парисын Их дуулга тэмцээний хүрэл медальт Г.Болор-Очир

90 кг-д Азийн АШТ болон "Ханжоу-2022" Азийн наадмын үзүүр бөх Г.Алтанабагана

Эмэгтэйчүүдийн:

52 кг-д өнөө жил Улсын АШТ-д анх удаагаа түрүүлсэн Б.Уранзаяа (20 настай)

63 кг-д Азийн АШТ-ий иж медальт Б.Ганхайч

70 кг-д Азийн АШТ-ий хүрэл медальт Б.Ням-Эрдэнэ (18 настай)

-78 кг-д Азийн АШТ-ий хүрэл медальт О.Хүслэн (19 настай)

+78 кг-д өнгөрсөн жил Улаанбаатар Их дуулгаас хүрэл медаль хүртсэн Д.Номинзул нар зодоглоно.