ШИНЭ нэгдсэн эвслийн гишүүд МАН, АН болон зарим горилогчид Үндсэн хууль, Сонгуулийн тухай хууль болон бусад хууль тогтоомж зөрчиж байгаатай холбогдуулан Сонгуулийн ерөнхий хороонд шаардлага хүргүүлж, мэдээлэл хийлээ. 

Тэд эрх баригч намынхан эрх мэдлээрээ дулдуйдаж, сонгуулийн сурталчилгааны хуулиар олгогдсон хугацаа болоогүй байхад ил, далд сурталчилгаа хийж байгаа талаар мэдээлж, албан тоот хүргүүлсэн юм. 

Мөн хар машины бүтэц, зохион байгуулалт, технологийн процессыг нээлттэй танилцуулах, саналын хуудсыг эхлээд гараар тоолж дараа нь машинаар тоолох зэрэг хэд хэдэн шаардлага тавьсан. 

Ингэхдээ дээр дурдагдсан хуулийн зөрчлийг нэн даруй таслан зогсоож, хууль дээдлэх зарчмыг баримтлан ажиллахыг СЕХ-ноос шаардав. Харин СЕХ-ны дарга П.Дэлгэрнаран ШИНЭ нэгдсэн эвслийнхний шаардлагыг хүлээн авч, тэдний асуултад хариулт өгсөн юм.