Фитнесийн багш, дасгалжуулагч Л.Саруулбатыг танихгүй хүн цөөн. Тэрбээр анх коронагийн үеэр "Үнэгүй фитнес" группээр гэртээ хийх боломжтой дасгал хөдөлгөөнийг зааж, олонд танигдсан. 

Л.Саруулбат нь бодибилдингийн спортын олон улсын хэмжээний мастер, дэлхийн аваргын хүрэл, Азийн аваргын хүрэл медальт, Монгол Улсын дараалсан долоон удаагийн аварга юм. Тэгвэл түүний хүү болох С.Дөлгөөн хүндийн өргөлтийн залуучуудын аваргад оролцож, хоёдугаар байрт орж, мөнгөн медаль хүртжээ. 

Тодруулбал, 2024 оны дөрөвдүгээр сарын 18-21 өдрүүдэд Өвөрхангай аймагт залуучуудын улсын аварга шалгаруулах хүндийн өргөлтийн тэмцээн болж өндөрлөлөө. Тус тэмцээнд эрэгтэйчүүдийн ангилалд ОУХМ Л.Саруулбатын хүү С.Дөлгөөн нэг мөнгө, нэг хүрэл медаль хүртжээ.