Цахим орчинд "River garden" хотхоны ойролцоо бүлэг хүүхдүүд зодолдож буй бичлэг цацагдсан. Тэгвэл үүнтэй холбоотойгоор ЦЕГ-ын УСГ-ын Ахлах мэргэжилтэн, Цагдаагийн хошууч Х.Түвшинбаяраас тодрууллаа. Тэрбээр,

"Энэ сарын 16-ны өдөр ХУД-ийн 17-р хорооны нутаг дэвсгэрт байрлах "Агниста" хотхоны гадна 12-р ангийн сурагчид бүлэглэн зодоон хийсэн дуудлага мэдээлэл бүртгэгдсэн. Одоогоор шалгалтын ажиллагаа явагдаж байна. Урьдчилсан байдлаар 12-р ангийн хоёр сурагч маргалдаж, найзуудаа дуудан бүлэглэн зодоон хийсэн нь тогтоогдсон. Иймд эцэг эхчүүд та бүхэн хүүхдээ хэнтэй нөхөрлөж, хаана явааг нь мэддэг байх хэрэгтэй. Мөн бүлэглэн зодоон хийх нь нийтийн хэв журмыг зөрчиж буй үйлдэл тул бүлэг бөөгнөрөл үүсгэж болохгүй гэдгийг өсвөр насны хүүхдүүддээ анхааруулах нь чухал юм" гэлээ.