ТҮК-ийн ажилтнуудын шүүрийг том тоос сорогчоор сольж, цалинг $1,000-той тэнцэхүйц болгож нэмэгдүүлэхээ хотын дарга мэдэгдээд буй. Харин энэхүү амлалт хэзээ хэрэгжих талаар тэрбээр ярьжээ.

Хотын дарга Х.Нямбаатар "Хот, нийтийн аж ахуйн тоног төхөөрөмжүүдийг шинэчлэх, худалдан авах ажиллагаа хийгдэж дууссан.

Ирэх долоо хоногийн Даваа гарагаас эхлээд хотын төв гудамжнуудад ТҮК-ийн ажилтнууд шүүр барьж зогсохоо болино.

Бусад тоног төхөөрөмжүүд 4, 5 дугаар сард нийлүүлэгдэнэ. Хот, нийтийн аж ахуйн цэвэрлэгээг механикжсан тоног төхөөрөмжүүдээр хийхээр бэлтгэл ажлууд хийгдэж байна.

ТҮК-ийн ажилтнуудын цалинг 3.5 сая төгрөгт хүргэх тооцоо, судалгааны ажил дуусаж байна. 2024 оны зургаадугаар сарын 1-нээс шинэчилсэн цалинг олгохоор ИТХ-д төсвийн тодотголыг өргөн барина.

Тэдний хүүхдүүдийн сургалтын төлбөрийг төрөөс хариуцах хөтөлбөр хамтад нь батална" гэв.

Нийслэлийн хэмжээнд зам талбайн 900 гаруй үйлчлэгч ажилладаг байна.