Жүжигчин, дуу оруулагч, найруулагч, сэтгүүлч Нямаагийн Зориг таалал төгсжээ. 

Тэрбээр 1960 онд Улаанбаатар хотод тѳрж, 1980-1984 онд УБДС-ийн кино-драмын ангид суралцан жүжигчин мэргэжил эзэмшжээ.

"Санаж яваарай" киноны ихэр залуус, "Загийн алим" киноны Ханбүргэдийн дүрд тоглосон юм.

Түүнчлэн "Намар нахиалсан мод", "Ингэ буйлах цагт", "Маш нууц", "Буруу өрөг", "Бүү март", "Зоорь" киноны туслах дүрийг бүтээжээ.

"Хөхөөтэй цаг", "Хашаа", "Хог", "Морин тэрэгтэй сурвалжилга" зэрэг олон сайхан нэвтрүүлгийг найруулж, үзэгч олондоо хүргэж явсан уран бүтээлч билээ.

Талийгаачийн гэр бүл, төрөл төрөгсдөд гүн эмгэнэл илэрхийлье.