Ирэх 10 хоногийн цаг агаарын урьдчилсан төлөвийг Цаг Уур, Орчны Шинжилгээний Газар(ЦУОШГ)-аас мэдээллээ. 

Дөрөвдүгээр сарын 12-ноос эхлээд баруун аймгуудын нутгаар, 13-нд нутгийн төв хэсгээр болон нутгийн зүүн хагаст цас орж, цасан шуурга шуурч агаарын температур өмнөх өдрүүдээсээ хүйтрэхийг малчид, тээвэрчид, иргэдэд ЦУОШГ-аас онцгойлон анхааруулав. 

ОРОН НУТАГТ

Хур тунадас: 

• Дөрөвдүгээр сарын 8-нд баруун аймгуудын нутгийн зарим газар, төвийн нутгийн баруун хэсэг, говийн нутгийн баруун болон хойд хэсгээр 
• Дөрөвдүгээр сарын 9-нд төвийн нутгийн өмнөд хэсэг болон говийн нутгийн хойд хэсэг, зүүн аймгуудын нутгийн баруун хэсгээр 
• Дөрөвдүгээр сарын 10, 11-нд Алтай, Хангай, Хөвсгөл, Хэнтийн уулархаг нутгаар бороо нойтон цас орно.
• Дөрөвдүгээр сарын 12-нд нутгийн баруун хэсгээр
• Дөрөвдүгээр сарын 13-нд төвийн аймгуудын ихэнх нутаг, говийн нутгийн хойд хэсэг, зүүн аймгуудын нутгийн баруун хэсгээр
• Дөрөвдүгээр сарын 14-нд нутгийн зүүн хагаст цас орж, цасан шуурга шуурахыг анхаарууллаа. 

Салхи, шуурга: 

• Дөрөвдүгээр сарын 11-нд Алтайн салбар уулсаар 
• Дөрөвдүгээр сарын 12-нд нутгийн баруун хагаст 
• Дөрөвдүгээр сарын 13-нд ихэнх нутгаар
• Дөрөвдүгээр сарын 14-нд говь, тал хээрийн нутгаар секундэд 18-20 метр, зарим үед 24 метрийг давж, шороон шуурга шуурна. 

Агаарын температур:

Ихэнх нутгаар дулаан байна. Увс нуур болон Дархадын хотгор, Идэр, Тэс голын хөндийгөөр шөнөдөө 7-12 градус. Өдөртөө 1 градус хүйтнээс 4 градус дулаан байна. 

Орхон, Сэлэнгийн сав болон говийн бүс нутгаар шөнөдөө 3-8 градус, өдөртөө 18-23 градус дулаан байх бол бусад нутгаар шөнөдөө 0-5 градус, өдөртөө 11-16 градус дулаан байх төлөвтэй байгаа аж. 

УЛААНБААТАР ХОТ 

Хур тунадас: 

• Дөрөвдүгээр сарын 9-нд нийслэл хот орчмоор бороо орно. 
• Дөрөвдүгээр сарын 13-нд бороотой, 13-14-нд шилжих шөнө нойтон цас орж, зөөлөн цасан шуурга шуурна.

Салхи, шуурга: 

Салхи ихэнх хугацаанд секундэд 5-10 метр 

Дөрөвдүгээр сарын 13-нд салхи баруун өмнөөсөө хойш эргэж секундэд 12-14 метр хүрч шороон шуурга шуурна. 

Агаарын температур: 

Ихэнх хугацаанд дулаан буюу шөнөдөө 0-5 градус, өдөртөө 11-16 градус дулаан байна. 14-нд хүйтрэх төлөвтэй байна. 

Энэ долоо хоногийн сүүл буюу дөрөвдүгээр сарын 12, 13, 14-нд цаг агаар нэлээд муудаж, салхи шуургатай, агаарын температур өмнөх өдрүүдээсээ хүйтрэхийг онцгойлон анхааруулж, хол замд гарах гэж байгаа бол мэргэжлийн байгууллагаас гаргаж байгаа цаг агаарын мэдээллийг цаг алдалгүй сонсож, ажлаа төлөвлөхийг ЦУОШГ-аас зөвлөлөө.