Жил бүрийн тавдугаар сарын 15-наас есдүгээр сарын 15-ны хооронд Улаанбаатар хотын төвлөрсөн дулаан хангамжийн шугамын засварын ажил эхэлдэг.

Энэ талаар "Улаанбаатар дулааны сүлжээ" ТӨХК-ийн ерөнхий инженер Ш.Мөнхжаргал "Дулааны шугам сүлжээний засварын ажлын график энэ долоо хоногт бэлэн болно. Энэ жил 15 километр дулааны шугамыг өргөтгөж, шинэчилнэ. Өмнөх жилийнхээс цөөрөхгүй.

Улс, нийслэлийн төсөв хөрөнгө, төсөл хөтөлбөрөөр дулааны шугам сүлжээг шинэчлэх ажил нийт 25 байршилд хийгдэнэ.

Тухайлбал Сонгдо эмнэлгийн араар МУБИС  хүртэлх 2а магистраль шугамыг хонгилд оруулах томоохон бүтээн байгуулалтын ажил бий.

Шуудангийн хоёрын урдуурх гол магистраль шугамыг шинэчилнэ. Бүтээн байгуулалтыг гүйцэтгэх тендер шалгаруулалт 80%-тай, зураг төсөл бэлэн болж байна.

Дулааны шугамын засварын хуваарийг дөрөвдүгээр сарын 10-н гэхэд хэвлэл мэдээллийн хэрэгслээр иргэдэд хүргэнэ.

Энэ жил дулааны шугамыг засварын ажлыг есдүгээр сарын 15-н гэхэд бүрэн дуусгахаар төлөвлөлөө" гэж ярилаа.