Нийслэлийн төр, захиргааны байгууллагууд ирэх долоо хоногоос Яармаг руу нүүнэ. Энэ талаар Улаанбаатар хотын захирагч Х.Нямбаатар “Засгийн газраас Яармагийн түгжрэлийг хотын захиргаа өөрөө шийдэх үүрэг даалгавар өгсөн. Энэ утгаараа төр захиргааны байгууллагууд ирэх долоо хоногоос нүүнэ” гэсэн юм. Өмнө нь түгжрэлийг бууруулахын тулд гуравдугаар сарын 1 гэхэд нүүнэ гэдгээ мэдэгдэж байсан билээ. Тэрбээр өнөөдөр дүүжин тээврийн бүтээн байгуулалтыг албан ёсоор эхэлснийг зарлах үеэр дээрх мэдээллийг өгсөн юм. Мөн энэ үеэр “Яармагийн түгжрэл ирэх жил цэгцэрнэ” гэх амлалт өгөөд байна.