Төрийн байгууллагын машинаар хүүхдүүдээ зөөж байна гэх мэдээлэл гарсан. Уг мэдээлэлд СХД-ийн Хүүхэд, Гэр бүлийн хөгжил, хамгааллын хэлтсээс тайлбар өгчээ.

Тодруулбал, "Сонгинохайрхан дүүргийн Хүүхэд, гэр бүлийн хөгжил хамгааллын хэлтэс нь дэргэдээ 19 хүүхдийн орон тоо бүхий хүүхэд хамгааллын үйлчилгээ үзүүлэх хамгаалах байртайгаар үйл ажиллагаагаа явуулдаг. Дээрх мэдээлэлд гарсан 5025 УНҮ улсын дугаар бүхий автомашин нь Монгол Улсын Гэр бүлийн хүчирхийлэлтэй тэмцэх тухай хуулийн 14 дүгээр зүйл, Хөдөлмөр нийгмийн хамгааллын сайдын 2017 оны 06 дугаар сарын 23-ны А/116 дугаар тушаал Түр хамгаалан байрлуулах үйлчилгээ үзүүлэх журмын 5.9.2, 5.11 дүгээр заалтын хүрээнд албан үүргээ гүйцэтгэж хамгаалах байранд үйлчилгээ авч байгаа хүүхдүүдийг сургууль цэцэрлэгт нь хүргэж өгч, хүлээн авч боловсролын үйлчилгээг нь тасралгүй хүргэж байсан болно" гэжээ.