“Боломжийг нээх нь: Далайн эрх зүйн конвенц ба далайд гарцгүй хөгжиж буй орнуудын боломж болон хуурай боомтын хөгжил” сэдэвт хэлэлцүүлэг Гадаад Харилцааны Яам (ГХЯ)-нд өнөөдөр зохион байгуулагдлаа. 

Далайд гарцгүй улс орнуудын хувьд төрийн далбаагаа бусад орны хөлөг онгоцонд түрээсэлж, энэ төрлийн үйл ажиллагаанд оролцдог. 

Тухайлбал 26 орны 281 хөлөг онгоц Монгол Улсын далбааг ашигладаг гэдгийг өнгөрсөн онд мэдээлж байсан.

Энэ талаар Далайн захиргааны Далайн тээвэр, хуурай боомтын хэлтсийн мэргэжилтэн Д.Байгалмаагаас тодруулахад "Монгол Улс далайн тээвэрт оролцож, улс орныхоо эдийн засгийг дэмжихийн тулд туршлага судлах хэрэгтэй болсон. 

Улмаар 1976 онд Ардын Их Хурлын тэргүүлэгчдийн зарлигаар далбаагаа мандуулах эрх бүхий

• Нэгдсэн Үндэстний Байгууллагын тунхаглал
• Барселоны тунхаглалд тус тус нэгдэн орсон байдаг.

Ингэснээр далайд гарцгүй ч далбаагаа мандуулан аялах болсон.

Монгол Улсын үе үеийн Засгийн газар далайд гарцгүйгээсээ шалтгаалан ямар хүндрэл бэрхшээл тулгамдаж байна вэ гэдгийг тооцоолж, улмаар ийм арга хэмжээг авсаар ирсэн" гэлээ.