Өмнө нь нэг бус дээрмийн хэргээр ял шийтгүүлж байсан "Ука" хочит Л.Алтанхуяг болон түүний хамсаатан "Хулнаа" хочит Б.Хулансамбуу, "Цэнгэл" хочит Б.Батцэнгэл, "Уугаа" хочит Б.Ууганзаяа нар бүхий 13 хүнд холбогдох шүүх хурал Сүхбаатар дүүргийн анхан шатны шүүх дээр өчигдөр буюу 3 сарын 12нд боллоо. Э.Сумъяажаргал гэх эмэгтэйн захиалгаар иргэн Б-г зочид буудалд аваачиж, улмаар эд хөрөнгөө шилжүүлж өгөхийг шаардаж бэлгийн дур хүслээ ёс бусаар ханган хүчиндэж, өөрт нь болон түүний ойр дотны хүнд хүч хэрэглэхээр заналхийлсэн хэргээр шүүгдсэн юм. Энэ хэрэг 2022 оны 12-р сад гарсан байдаг. 

Гэтэл 23 оны 2-р сард Сүхбаатар аймгийн эрдэнэцагаан суманд байрлах "Андын илч" уурхайд зэвсэглэсэн бүлэг этгээдүүд халдаж бусдын эд хөрөнгийг хууль бусаар авахаар заналхийлж тэр нь улсын хэмжээнд кино шиг яригдаж нийгэм даяар газар авч байв. 

Тэгвэл энэ хэргийн толгойлогч гэх захиалга аван очсон нь өнөөх л Ука хочит Алтанхуяг байв. Нийгэмд онц ноцтой удаа дараагийн дээрэм, хутга, зэвсгээр айлган сүрдүүлж байсан этгээд 22 онд бусдын биед ёс бусаар халдчихаад баригдахгүй бүр удаач үгүй хэдхэн сарын дараа уурхай дээрэмдээд сул чөлөөтэй айх ичих зүйлгүй явж байсан нь өөрөө гайхмаар. 

Тухайн Андын илчийн хэрэг дээрээс үүдэлтэйгээр рецедив гэмт хэрэгтэн "Ука" хочит Л.Алтанхуяг гэгч нь захиалга авч тус бүлэг этгээдүүдийг толгойлон оролцож зохион байгуулалттай гэмт бүлэг байгуулсан гэх үндэслэлээр цагдаагийн байгууллагаас шуурхай ажиллагаа явуулан баригдсан байдаг.  Түүнийг ШШГЕГ-ын харьяа цагдан хорих 461 дүгээр ангид цагдан хорьсон. Гэтэл өнөөдөр түүний хэрэгт Андын илчийн хэрэгт оролцсон байдал нэг ч сөхөгдөөгүй төдийгүй нийгэмд онц аюултай этгээдийн шүүх хурал өнгөрсөн 8 сараас хойш тодорхойгүй 6 удаа хойшилсон байдаг ба энэ удаа ч мөн адил 4 сарын 02 ныг хүртэл хойшилжээ.