Улсын нийслэлээ утаагүй болоосой гэсэн иргэдийн итгэл, хүсэл салхинд хийсч "Таван толгой түлш" компанийн увайгүй үйлдлүүд зузаарсаар хэдийнээ 6 жилийн нүүрийг үзжээ. Шуналдаа хөтлөгдсөн хэдэн улстөрчид, тэдний хамаарал бүхий хүмүүсийн хөлжих дэвших дураараа дургих шат гишгүүр болсоныг бид "Таван толгой түлш" компанийн олон ноцтой жишээн дээрээс мэдэж авсан. Чанараар бус ашиг сонирхлоор нийлсэн хятад хамтрагч нар, “Тавантолгой түлш” ХХК-ийн Захиргаа удирдлагын газрын дарга Э.Ууганцэцэгийн ургийн модны томилгоо гээд яриад байвал "Таван толгой түлш" компанийг тойрсон бузар булхай далай далай.

“Намайг хэн саах вэ, нохойг хэн туух вэ” гэгчийн үлгэрээр Таван толгой түлш ХХК-ий Захиргаа, удирдлагийн хэлтсийн дарга, СХД-ийн ИТХ-ын төлөөлөгч Эрдэнэбатын Ууганцэцэг хэрхэн дураараа дургиж ургийн модны томилгоо хийсэн явдал хэвлэл мэдээллээр нэг газар авсан. Таван толгой түлш компанид өдгөө Хүний нөөцийн мэргэжилтний хамаарал бүхий 12 хүн ажиллаж байгаа бол архив бичиг хэргийн мэргэжлийн чиглэлийн 9 хүн ажиллаж байгаа мэдээлэл бий.

Тэгвэл гэмт хэрэгтэн хэргийн газраа эргэдэг үлгэрийн адил өнөөх Ууганцэцэг гэгч нь байгууллагын дотоод сүлжээнээс эд мөрийн баримтаа устгажээ. Устгасан ч гэж дээ зургийг нь устгаж овог нэрсийг өөрчилсөн ч мэйл хаяг ажлын томилгоо дугаар зэргийг нь устгаж амжсангүй юу эсвэл иймхэнээр хууран мэхлээд сурчихсан нөхөр үү?

Төрийн өмчийн компанийг хувийн компани мэт “удирдан”, авлигийн сүлжээ, тендерийн будлианаар дамжуулан ах дүүс, найз нөхдөөрөө бүлэглэн хөрөнгө бэлээ зузаалж байж болзошгүй “нөхдүүдэд” хариуцлага хүлээлгэсэн үү? "Таван толгой түлш" компанийн худалдан авалт дагасан авлига, барьцалдуулагчийн “луйвар”, тээвэр түгээлтийн булхай гадаад дотоодын томилгоог хэрхэн үр ашиггүй зардал гарган хийж байсан талаар бид үргэлжлүүлэн баримттай сурвалжлах болно.