Эрчим хүчний чадлын дутагдлаас шалтгаалан оргил ачааллын үе буюу оройн 17.00-21.00 цагийн хооронд зарим байршлуудад 1-2 цагийн хугацаатай цахилгааны хязгаарлалт хийж байгаа.

Энэ хязгаарлалт сар шинийн баярын өдрүүдэд үргэлжлэх эсэх талаар УБЦТС-аас тодруулахад, "Цагаан сараар хязгаарлалт хийх тухай албан ёсоор мэдэгдсэн зүйл одоогоор байхгүй. Ачааллын түвшин нэмэгдсэн тохиолдолд хязгаарлалт хийж магадгүй. Аль болох хийхгүй байхыг хичээнэ. Айл өрхүүд эрчим хүчний системийн тасралтгүй, найдвартай байдлыг хангахын тулд оргил ачааллын 17:00-20:00 цагийн хооронд заавал ашиглах шаардлагагүй цахилгаан хэрэгслүүдээ унтрааж, ТОГ-оо тохируулах нь чухал" гэлээ.