Энэ оны эхний 11 сарын байдлаар хүүхэд өртсөн 780 зам тээврийн осол бүртгэгджээ

2023-12-13,   345

Цагдаагийн байгууллагад Энэ оны эхний 11 сарын байдлаар хүүхэд өртсөн 780 зам тээврийн осол бүртгэгдсэн талаар Цагдаагийн ерөнхий газар /ЦЕГ/-аас мэдээллээ. 

Зам тээврийн ослын улмаас харамсалтайгаар амь хохирсон 32 хүүхдийг эцэг эх, асран хамгаалагч нь буруу тээвэрлэснээс болсон байна.

Дараах тохиолдлуудад хүүхдүүд амь нас, эрүүл мэндээрээ хохирч байна.

1.Хүүхдийг тээврийн хэрэгслийн урд суудалд өвөр дээрээ суулгасан үед салхины шил, багана мөргөх.

2.Тээврийн хэрэгслийн арын суудалд зориулалтын суудал, хамгаалах бүсийг зүүгээгүй үед хүүхэд цонхоор шидэгдэх, мөн хатуу биет мөргөх.

3.Тээврийн хэрэгслийн ачаа, багаж хэсэгт тээвэрлэсэн зэрэг шалтгаанууд байна.

Иймд эцэг эх, асран хамгаалагч та хүүхдийг зориулалтын суудалд суулгаж, хамгаалах бүсийг хэрэглэх,  урд суудалд өвөр дээрээ суулгахаас татгалзах, ачаа тээшний хэсэгт тээвэрлэхгүй байх, тээврийн хэрэгслийн Child lock буюу хаалганы түгжээг түгжиж замын хөдөлгөөнд оролцох хэрэгтэй гэдгийг цагдаагийн байгууллагаас анхаарууллаа. 


Энэ оны эхний 11 сарын байдлаар хүүхэд өртсөн 780 зам тээврийн осол бүртгэгджээ
Бусад мэдээ
Сэтгэгдэл
АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд chig.mn хариуцлага хүлээхгүй.

Нийт сэтгэгдэл: 0
Шинэ мэдээ
Бидний тухай
Үнсэн цэс
2025 © Зохиогчийн эрх хуулиар хамгаалагдсан.