Чингэлтэй дүүргийн Иргэний хэргийн анхан шатны шүүхийн 2019 оны 06 дугаар сарын 11-ний өдрийн 1083 дугаар шийдвэрийн дагуу тэтгэлэг төлөгч А.Х-оос 3 хүүхдийн тэтгэлэг гаргуулж Т.Ү-д олгохоор шийдвэрлэсэн.

Шийдвэр гүйцэтгэх ажиллагаагаар төлбөр төлөгч А.Х нь шүүхийн шийдвэрээр төлөх хүүхдийн тэтгэлгийг 6 жил 10 сарын хугацаанд төлөхөөс зайлсхийсэн үйлдэл гаргасныг тогтоосон.

Банкны төлбөр барагдуулах газраас тэтгэлэг төлөгч А.Х-ийн гаргасан зөрчилд Зөрчлийн тухай хуульд зааснаар зөрчил шалган шийдвэрлэх ажиллагаа явуулж харьяа прокурорт хянуулан шүүхэд шилжүүлсэн.

Дүүргийн Эрүү, Иргэний хэргийн хялбар ажиллагааны анхан шатны шүүхийн 2026 оны 04 дүгээр сарын 27-ны өдрийн 9818 дугаар шийтгэврээр тэтгэлэг төлөгч А.Х-ийг 10 цагийн албадан сургалтад хамруулж, түүнд 30 хоногийн баривчлах шийтгэл ногдуулав.