Сүүлийн өдрүүдэд нийгмийн сүлжээний зарын группээр дамжуулан "Үнэмлэхтэй алтан гадас зарна" , "Шинэ хөдөлмөрийн хүндэт медаль зарна" гэх хуурамч зараар иргэдийг залилах тохиолдол бүртгэгдэж байгааг Цагдаагийн байгууллагаас мэдээллээ.

Монгол Улсын цол хүртээх, одон медалиар шагнах тухай журамд Монгол Улсын Ерөнхийлөгчийн Тамгын газар цол хүртээх, одон медалиар шагнуулахаар өргөн мэдүүлсэн холбогдох бичиг баримтыг бүрдүүлэн батлуулсны дагуу Ерөнхийлөгч шагнал, одон тэмдгийг Төрийн ордон болон орон нутагт ёслол төгөлдөр гардуулна гэж заасан байдаг. Иймд дээрх төрлийн зар мэдээлэлд хууртахгүй байхыг анхаарууллаа.