Говь-Алтай аймгийн Алтай сум тог цахилгаан тасалддагийн улмаас ЕБС-ийн сурагчид утасныхаа гэрэлд хичээллэж байгаа зураг цахимаар тархаж, NTV телевиз хүрч очиж, мэдээлэл бэлтгэсэн. 

Нийтийн анхаарлыг татсан уг сурвалжилгын үр дүн гарчээ. Тодруулбал, Говь-Алтай аймгийн Алтай сумын цахилгааныг шийдэхээр байгуулагдсан ЭХЯ-ны ажлын хэсэг БНХАУ-ын талтай уулзжээ. Гэрээнд хоёр тал эцсийн байдлаар санал оруулах гэрээг нягтлах уулзалт болж, долоо хоногт багтааж гэрээг үзэглэхээр тохирсон байна. "Алтай-Улиастайн эрчим хүчний систем" ТӨХК-ийн ашиглалт, засварын баг ням гарагт цахилгаан холбох утсыг залгаж эхэлжээ. Хоёр тал цахилгааны тохируулгаа хийж, нэгдсэн байдлаар зэрэг холбоно гэж Монгол Улсын Эрчим Хүчний Яам мэдээллээ.