Өнөөдөр буюу арванхоёрдугаар сарын 22-оос хүйтний ес эхэллээ. 

Монголчууд эрт дээр үеэс өвлийн цаг агаарын төлөв байдлыг есөн ес 81 хоногоор ангилж ирсэн уламжлалтай. Ингэхдээ өвлийн туйл нар буцах өдрөөс  эхлэн 81 хоногийг нялх гурав, идэр гурав, өтөл гурав гэж хуваадаг.  Ийнхүү өнөөдрөөс өдөр бага багаар уртсаж, хүйтний улирлын ес эхэлж байна.

Нэг есөөс эхлэн есөн ес хүртэл хүйтний эрч чангарч оргилдоо хүрээд алгуур буурч хавартай золгодог гэж үздэг байсан нь Ус цаг уур орчны шинжилгээний хүрээлэн байгуулагдахаас өмнөх цаг агаарын байдлыг тодорхойлдог нэгэн арга байжээ.