Томуу, томуу төст өвчний нөхцөл байдал болон бусад цаг үеийн асуудлаар Эрүүл Мэндийн Яам (ЭМЯ)-наас мэдээлэл хийлээ.

 ХӨСҮТ-ийн Халдварт өвчний тандалт, сэргийлэлт эрхэлсэн дэд захирал Б.Азжаргал

"Нийслэл хот болон 10 гаруй аймгийн хэмжээнд томуугийн тархалттай байна. Томуугийн 50 дугаар долоо хоногийн мэдээгээр 300 орчим хүн амбулаторийн тусламж үйлчилгээ авахад тэдгээрийн 10 гаруй хувь нь томуу, томуу төст өвчний шалтгаантай байсан.

Мөн томуугийн харуулдан тандалтын нэгжүүдээс сорьц авч, вирус судлалын шинжилгээг хийж үзэхэд Томуугийн А вирусийн H3N2 дэд хэв шинж, Амьсгалын замын синцитиал вирус, рино вирус, адино вирус гэх мэтчилэн 6-7 төрлийн вирус орчилд байна.

Эдгээрээс томуугийн H3N2, рино вирус, амьсгалын замын синцитиал вирусийн идэвхжил өндөр, өвчлөлийн голлох шалтгаан болж байгаа юм. Түүнчлэн 0-4 настай хүүхдүүдийн дунд амьсгалын замын синцитиал вирусийн халдвар болон H3N2 вирусийн халдварын тархалт өндөр байна " гэлээ.