25 настай Э.Баярсайхан 2024 оны тавдугаар сарын 4-нд 21 настай найз охиноо гэрийнхээ гадна машинаараа дайрч, хүндээр гэмтээсэн. Найз охин нь амь тэнцэн түргэн дуудаж өгөхийг хүсэхэд “Битгий баашлаад бай” хэмээн нэмж зодоод, тусламж үзүүлээгүй. Талийгаач Хохирогч 2024 оны тавдугаар сарын 5-ны өдрийн үдээс хойш эмнэлэгт очсон. Ингээд ГССҮТ-д 20 хоног хэвтэж, найман удаагийн хагалгаа хийлгэж, цөс, ходоодоо тайруулж, ташаагаа хадуулсан. Гэвч өвчнөө даалгүй 2024 оны тавдугаар сарын 25-ны өдөр таалал төгсжээ. Харин гэмт хэрэгтэнг 2025 оны 12 дугаар сарын 18-нд шүүж, анхан шатны шүүхээс Э.Баярсайханд 3 жилийн хорих ял оноосон байна. 

Нийгмийн сүлжээнд талийгаач охины ойр тойрныхон болон иргэд шүүхийн эл шийдвэрийг эсэргүүцсэн байр суурийг илэрхийлсээр байна.