Монгол Улсын Ерөнхийлөгч У.Хүрэлсүхийн ивээл дор  Бүгд Найрамдах Турк Улсын Ван мужийн нутаг дахь Чингис хааны ач Ил хан Хүлэгүгийн зуны ордны малтлага судалгаа хийгдэж байна.

Ханкой тосгоны захад тариан талбай дахь Хасын ордон хэмээн нэрлэх барилга нь Иль хаадын Аладагийн ордны 1260-аад оны дундуур барьсан анхны барилга байж магадгүй хийгээд тахилын зориулалттай болов уу хэмээн судлаачид таамаглаж байгаа аж. Хоёр орны судлаачдын цаашид хийх олон жилийн хамтарсан судалгаагаар энэ бүс нутаг дахь дорнын, чингэхдээ Их Монголын эзэнт гүрний нийслэл Хар Хорумын хэв шинжит анхны хотын түүх, соёл, архитектур гэхчлэн шинжлэх ухааны олон чиглэлийн судалгааны арвин хэрэглэгдэхүүнийг нээх боломжтой билээ. МУИС, Туркийн Измирын Катип Чилэби Их сургуулийн Монгол ~ Турк судлалын хамтарсан баг энэхүү малтлага судалгааг хийж байна.