Үндэсний цэцэрлэгт хүрээлэнгийн 40 га газарт Театр, стадион барих тухай шийдвэрийг Нийслэлийн иргэдийн Төлөөлөгчдийн хурлаас гаргасан. 

Тэгвэл хуульч А.Базарын өмгөөлөгч Б.Амгаланбаатарын хамт НИТХ-ын тухайн шийдвэрийг хүчингүй болгуулах нэхэмжлэлийг шүүхэд гаргажээ. Үндэсний цэцэрлэгт хүрээлэнгийн газар бол ундны усны нөөц, усны хамгаалалтын бүсэд хамаардаг, иргэд амарч зугаалдаг учир хүрээлэн буй орчныг хамгаалах, нийтийн эрх ашгийг хамгаалах үүднээс ийнхүү шүүхэд нэхэмжлэл гаргалаа. Хэрэв шүүх нэхэмжлэлийг хүлээж авбал НИТХ-ын дээрх шийдвэр хууль ёсны эсэхийг хэлэлцэх юм байна.