"Оюу Толгой" ХХК болон нэр бүхий гэрээлэгч компаниуд, уул уурхайн хятад компаниуд ажилчдын эрх ашиг ноцтой зөрчигдөж байгаа талаар шүгэл үлээдэг Геологи, уул уурхайн хөгжлийн "Тэмүүлэл холбоо" НҮТББ-ын тэргүүн Б.Ононхангайг тав дахь сардаа хоригдож байна. Уурхайчдын төлөө олон жил тэмцсэн, уурхайн ажилчид 14/14 болоход гол үүрэг гүйцэтгэсэн энэ залууг өнгөрсөн долоодугаар сард төв талбай дээрээс анх баривчилсан. Улмаар 461 дүгээр хорих ангид сар хориод суллаж, дахин 9-р сард баривчилсан байна. Тэрбээр 461-р ангид гурван сар хоригдоод энэ сарын эхээр Говьсүмбэр аймаг дахь 425-р нээлттэй хорих анги руу шилжүүлжээ. 

Б.Ононхангайг 11 сар хорих ялаар шийтгэсэн байна.