Нийтийн тээврийн бодлогын газарт иргэдээс ирсэн талархлыг хүлээн авч, санал, гомдол, хүсэлт бүрийг тухай бүрд нь шийдвэрлэн ажиллаж байна. Нийтийн тээврийн бодлогын газрын 70044040 дугаарын утсанд 2025 оны 12 дугаар сарын 11-15-ны өдөр иргэдээс ирсэн талархал, санал, хүсэлт, гомдлыг хэрхэн шийдвэрлэснийг хүргэж байна.

• Талархал: Чингэлтэй дүүргийн иргэн Отгонцэцэг: Ч:27 (Өвөр согоот-Вокзал) чиглэлийн Сайхан Ирээдүй ХХК-ийн 18-015 гарааш дугаартай автобусны жолооч Ш.Вантөмөрт ажлын өндөр амжилт хүсье. Гээсэн юмыг минь түргэн шуурхай олж өгсөнд баярлалаа.
• Талархал: Иргэн Алтансүх: Ч:57Б (Алтан овоо 48-р гудамж-МУИС) чиглэлийн 2-172 гарааш дугаартай автобусны жолоочид маш их баярлалаа үйлчлүүлэгч нартай боловсон харьцаж, хурдан шуурхай маш дулаахан тухтай явж ирлээ маш их баярлалаа.
• Талархал: Баянзүрх дүүргийн иргэн Бямба: Автобуснууд их сайхан дулаан байна. Даарсан иргэд автобусанд орж ирээд, дулаацаж байна. Үйлчилгээ их сайхан байна. ДЮЦ ХХК-ийн 16-001 гарааш дугаартай автобусны жолооч Д.Нямдаваа нь зам мэдэхгүй хөдөөний хүнд тайлбарлаж, настай иргэдийг хүлээж байгаад авч явж байна. Жолоочийн үүргээ сайн гүйцэтгэж байна. Баярлалаа.
• Иргэний гомдол: Сонгинохайрхан дүүргийн иргэн: Х:8 (Найрамдал зуслан-5 шар) чиглэлд үйлчилгээнд явж байгаа 3-152 гарааш дугаартай автобусны жолооч хүнээ аваагүй. Гомдолтой арга хэмжээ авч хариу өгнө үү.
• Шийдвэрлэлт: Камерын бичлэг шалгахад найрамдал зуслангийн автобусны буудалд хүн байгаагүй.
• Иргэний гомдол: Баянгол дүүргийн иргэн Я.Эрдэнэчулуун: Ч:52 (Дүүхээ дэлгүүр-Зайсан) чиглэлд явж байгаа 11-005 гарааш дугаартай автобусны жолооч өглөө 06:45 цагт Дүүхээ дэлгүүр зогсоолоос хүнээ аваагүй хоосон явсан.
• Шийдвэрлэлт: Трансбус ХХК-ийн 11-005 гарааш дугаартай автобусны кардан хөлдсөн тул бааз руугаа явж засварт орсон. 11-004 гарааш дугаартай автобусны жолооч Б.Өлзийсайханд торгуулийн арга хэмжээ тооцсон.
• Иргэний гомдол: Хан-Уул дүүргийн иргэн Б.Булган: Ч:72 (Хөгжим бүжгийн коллеж-Богдхон амралт) чиглэлд явж байгаа 5-215 гарааш дугаартай автобусны жолооч утсаар ярьсан. Гомдолтой, арга хэмжээ авч хариу өгнө үү.
• Шийдвэрлэлт: Сутайн буянт ХХК-ийн 5-215 гарааш дугаартай автобусны камерын бичлэг үзэхэд түгжрэл ихтэй чихэвчээр ярьсан байна.
• Иргэний гомдол: Чингэлтэй дүүргийн иргэн О.Булган: Ч:21Б (Вокзал-Дэнжийн 1000-ын эцэс) чиглэлд явж байгаа 3-187 гарааш дугаартай автобусны жолооч нь замын хөдөлгөөний аюулгүй байдлыг хангаж ажиллахгүй байна. 1-р эгнээнд явж байгаад 2-р эгнээ рүү дохио өгөхгүй орж ирэхээр шаардлага тавьсан чинь хүлээж авахгүй, зүй бус үйлдэл үзүүлж байна.
• Шийдвэрлэлт: Зорчигч тээвэр гурав ОНӨААТҮГ-ын 3-187 гарааш дугаартай автобусны жолоочид замын хөдөлгөөний аюулгүй байдлыг хангаж ажиллах үүрэг өгөв.
• Иргэний гомдол: Хан-Уул дүүргийн иргэн Энхбаатар: Ч:7 (Нисэх-4-р дэлгүүр) чиглэлд явж байгаа 3-173 гарааш дугаартай автобусны жолооч хөгжмөө чанга тавьсан. Шаардлага тавьсан хүлээж аваагүй.
• Шийдвэрлэлт: Зорчигч тээвэр гурав ОНӨААТҮГ-ын 3-173 гарааш дугаартай автобусны жолоочид зөрчил гаргахгүй ажиллах үүрэг даалгавар өгөв.