Сэтгүүлч С.Будрагчаагийн “Боолчлогч” нэвтрүүлгээр ил болгосон хохирогч Филиппиний иргэн Террил Атиензагийн охин дараахыг өөрийн Фейсбүүк хуудсандаа нийтэлсэн байна 

“Өнөөдөр Монголын ард түмэн ээжийн минь дуу хоолойг эргүүлэн авч, түүний үхлийн төлөө шударга ёсыг шаардаж байна. 16 настайдаа би ээжийгээ нэр төртэй оршуулж, өлсгөлөн, айдасгүйгээр амьдрахыг л хүсэж байлаа. Бидэн шиг хүмүүсийг хэн ч, тэр ч байтугай засгийн газрууд ч тоодоггүй гэж би нэгэн цагт боддог байсан. Бүх монголчууд харгис гэж би боддог байлаа. Би буруу бодож байжээ. Монголын ард түмэн бидэнд гайхалтай өрөвч, сайхан сэтгэлийг үзүүлж, ээжийг минь өөрийнх нь нэг мэт хүлээн авсан. Ноён Будрагчаа Сэрдамбыг олсноос хойш бидэнд хайр, дэмжлэг үзүүлсэн Монголын ард түмэнд бид гүнээ өртэй. Эмгэнэлт явдал болохоос өмнө ээжийнхээ мэдэрсэн Монголыг мэдрэх нь бидний хувьд маш их утга учиртай байх болно. Бид тухайн улс орон, ард түмнийг маш их хүндэлдэг бөгөөд биднээс хулгайлагдсан шударга ёсыг эргүүлэг авахын тулд чадах бүхнээ хийж, хувь нэмэр оруулахад бэлэн байна. Энэ бол 2011 онд бидэнд цогцостой нь илгээсэн ээжийн минь зураг. Дотор нь эгч маань нулимс нь урсах бүртээ барьдаг байсан ороолтыг харж болно. Бид мооргт түүний хөхөрсөн, түлэгдсэн, сорвитой цогцсыг анх удаа харсан. Энэ бол 14 жилийн өмнөх явдал бөгөөд түүнээс хойш бид тэр ороолтоо алдсан. Өнөөдөр бид Монголд яг адилийг нь олж чадах болов уу?”