Монголд жилд 100-120 хүүхэд хорт хавдартай гэж оношлогдож байна. Хүүхдийн хорт хавдрын тусламж үйлчилгээний хүртээмж, тэгш байдлыг сайжруулах зорилгоор Дэлхийн эрүүл мэндийн байгууллага , НҮБ-ын Хүүхдийн сан , АНУ-ын “St. Jude” эмнэлэг хамтран “Хүүхдийн хорт хавдрын эмийн хангамжийг сайжруулах дэлхийн платформ” төслийг хэрэгжүүлж эхлээд байна. Энэхүү төслийн хүрээнд Эх хүүхдийн эрүүл мэндийн үндэсний төвд нэн шаардлагатай тоног төхөөрөмжийг Эрүүл мэндийн сайд Ж.Чинбүрэн, ДЭМБ-ын Суурин төлөөлөөгч Сокорро Эскаланте болон бусад албан хүмүүс ЭХЭМҮТ-д хүлээлгэн өглөө.

Уулзалтад ЭХЭМҮТ-ийн захирал Ж.Отгонбаатар болон эмнэлгийн хамт олны төлөөлөл оролцож эмнэлгийн үйл ажиллагаа болон цаг үеийн үйл явдлын талаар мэдээлэл өглөө. Мөн энэ үеэр Эм зүйн албанд эмийн хадгалалтын стандартыг хангах зориулалттай хөргөгч болон бусад шаардлагатай тоног төхөөрөмж хүлээлгэн өглөө. Эдгээр төхөөрөмжүүд нь хорт хавдрын эмийн хөргөлтийн горим, аюулгүй хадгалалт, эмийн чанарыг алдагдуулахгүй байх нөхцөлийг бүрдүүлснээр хүүхдийн хорт хавдрын эмчилгээний үр дүнг сайжруулах чухал ач холбогдолтой юм.