Ховд аймгийн цэцэрлэгүүд Онцгой комиссын шийдвэрээр өнөөдрөөс 7 хоног үүдээ барилаа. Тус аймгийн бүх сумын цэцэрлэгүүд 12 дугаар сарын 8-12-ныг дуустал үйл ажиллагаагаа түр зогсоож, 12 дугаар сарын 15-наас хүүхдүүдээ хүлээж авна.

Цэцэрлэгийн үйл ажиллагааг түр зогсоож буйтай холбогдуулан төрийн байгууллагад ажилладаг бага насны хүүхэдтэй эцэг, эхчүүдэд цалинтай чөлөө олгох /аав ээж нь 2-уулаа төрийн албанд ажилладаг бол нэгэнд нь/ зохицуулалт хийж ажиллах чиглэлийг шийдвэрт тусгахаар болсон аж.

Үүний зэрэгцээ 1-5 дугаар ангийн сурагчдын хичээлийг өвлийн амралт эхэлтэл цахим хэлбэрээр зохион байгуулж байна. Дунд, ахлах ангийн сурагчдын хичээл, сургалтын үйл ажиллагаа хэвийн үргэлжилж байна. Гэхдээ сургуульд нийтийг хамарсан үйл ажиллагаа зохион байгуулахыг хоригложээ.