Дорнод, Хэнтий аймагт шүлхий өвчин гарсантай холбоотойгоор урьдчилан сэргийлэх шүлхийн вакцинжуулалтыг  үхэр, гахайд сумдууд хийж байна. 

Зайлшгүй шаардлагаар хэрэгжүүлэх мал эмнэлгийн арга хэмжээнд мал сүргээ хамруулах тухай хуулиар тогтоосон малчны үүрэг, 

Мал амьтны эрүүл мэндийн тухай хуулийн 6 дугаар зүйлийн 5 дахь хэсэг:

Зайлшгүй шаардлагаар хэрэгжүүлэх мал эмнэлгийн арга хэмжээнд мал, амьтнаа тогтоосон хугацаанд хамруулаагүйгээс бусдад учирсан хохирол болон уг арга хэмжээг нөхөн хэрэгжүүлэхэд зарцуулсан зардлыг мал, амьтан өмчлөгч хариуцна.

Мал амьтны эрүүл мэндийн тухай хуулийн 9 дүгээр зүйлийн 8 дахь хэсэг:

9.8.Малчин, амьтан маллагч, мал, амьтан өмчлөгч дархлаажуулалт хийх үед дараах үүрэг хүлээнэ:

9.8.1.товлосон хугацаанд мал, амьтныг бэлэн байлгаж, бүрэн хамруулах;

9.8.2.мал, амьтныг барьж бэхлэн, мал эмнэлгийн үйлчилгээ үзүүлэх нөхцөл бүрдүүлэх, малын эмчийн аюулгүй байдлыг хангах.