11 настай хүүхэд балны таг уушги руугаа залгисан байсныг дурангаар гадагшлуулах ажилбар хийж, авчээ. Хүүхдүүд санамсар болгоомжгүй байдлаас болж гаднын биет залгих нь элбэг тохиолддог ба ихэвчлэн ходоод руу ордог байна. Ховор тохиолдолд амьсгалын замд орж цагаан мөгөөрсөн хоолой болон гуурсан хоолойд тээглэж хүүхэд амьсгалын дутагдалд орж эндэх эрсдэлтэй байдаг. Иймээс эцэг, эхчүүд, асран хамгаалагч нар бага насны хүүхдэд тавих анхаарал, халамжаа нэмэгдүүлэх шаардлагатайг хагалгаа хийсэн эмнэлгээс анхааруулжээ.