МУ-ын хүний гавьяат эмч, бусдад туслах анагаах ухааны "Мамба дацан" хийдийн Г.Одонцэцэг эмч "Үйлийн үрд эндүүрэл будлиан гардаггүй тул эргэлцээд хэрэггүй ээ" зөвлөмж мэдээллийг нийтэллээ. 

Тэрбээр "Нэг гэрт амьдраад, нэг тогооноос хооллодог ч нэг нь зовоод байгаа бол түүнд нүглийн үр, нөгөө нь жаргаад байгаа бол түүнд сайн буяны үйлийн үр байна. Учир нь өөрийн үйлдсэн үйлийн үрийг өөрөө л эдэлнэ. “Энэнд ямар нүгэл байхав дээ”, “Энэ ер нь муу юм хийгээгүй хүн дээ” тэгээд яагаад ийм зовлон тохиолдоод байна. Эсвэл “Энэ их л нүгэл үйлдсэн дээ, яагаад зовохгүй, харин жаргаад байна вэ?” гэж халаглах нь бий. Үйлийн үр солигдохгүй. Одоо нүгэлгүй байвч, бас одоо буян ихийг үйлдэж байгаа ч “Үйлийн үр 100 галавт ч шамшаагдахгүй” гэсэн үйлийн үрийн хууль бий. Тиймээс хэзээ нэгэн цагт үйлдсэн буян, нүглийн үйл нь хураагдаад, боловсрох цаг нь болсон учраас л зовлон, жаргалын үрээ гарцаагүй эдлэж байгаа нь л тэр юм. Өөрийн бие, хэл, сэтгэлээр үйлдэж байгаа үйлээ л хянаж, хичээлтэй. Энэ нь ашид хойдод зовлонгүй, амгалан жаргаланг эдлэхэд хэрэгтэй".