Прокурорын байгууллага өнгөрсөн 7 хоногт хэрэг бүртгэлт, мөрдөн байцаалтын 50746 эрүүгийн хэрэгт хяналт тавин ажиллажээ. Үүнээс 426 хэрэгт прокурор яллах дүгнэлт үйлдсэн байна. Тодруулбал, Т нь бусадтай бүлэглэн дээл, торго бөс бараа худалдан борлуулах нэрийдлээр “nemeh.mn” сайт нээж, хууль бус замаар олж авсан гадаад улсын иргэдийн виза картын мэдээллийг ашиглан интернэтээр худалдан авалт хийх зэргээр 512 удаагийн гүйлгээгээр хоёр тэрбум 150 сая төгрөгтэй тэнцэх мөнгийг хууль бусаар, нууцаар, долларын дансандаа шилжүүлэн авч хулгайлж, олсон мөнгөө крипто валют, орон сууц, тээврийн хэрэгсэл худалдан авч мөнгө угаасан хэрэг, М нь нэр бүхий эмэгтэйчүүдийг бусадтай биеэ үнэлэхэд зуучилсан, биеэ үнэлэхийг зохион байгуулсан, өөрийн эзэмшлийн тээврийн хэрэгслээр хүргэж өгөх, авах зэргээр биеэ үнэлэхэд нь тээврийн хэрэгслээр хангасан хэрэг, - Б нь бүлэглэн 1024.3 грамм ургамал бүхий хориглосон сэтгэцэд нөлөөт бодисыг худалдаалах зорилгогүйгээр хууль бусаар бэлтгэсэн, тээврийн хэрэгсэлд худалдаалах зорилгогүйгээр хууль бусаар хадгалсан хэрэг, М нь шөнийн цэнгээний газрын үүдэнд 11.9 грамм цэвэр жинтэй “өвс” сэтгэцэд нөлөөт бодисыг худалдаалах зорилгогүйгээр хууль бусаар хадгалсан, О нь сэтгэцэд нөлөөлөх “мөс” гэх бодисыг худалдаалах зорилгоор хууль бусаар олж авч хадгалсан хэргүүдийг харьяа дүүргийн шүүхэд тус тус шилжүүлжээ.