2025 оны 11 дүгээр сарын 27-ны өдрийн байдлаар, улсын хэмжээнд эмнэлэгт 3,006 хүүхэд хэвтэн эмчлүүлж байгаагаас 87.8 хувь нь амьсгалын замын цочмог хүнд халдварын шалтгаанаар хэвтэж, өмнөх өдрөөс 8.5 хувиар нэмэгдсэн байна. Эрчимт эмчилгээний тасагт 79 хүүхэд эмчлүүлж байгаагаас 81.0% амьсгалын замын цочмог хүнд халдварын шалтгаантай, энэ нь өмнөх өдрөөс 20.3 хувиар өсжээ.  Хүүхдийн яаралтай тусламжийн тасгаар 2,879 хүүхэд үзүүлснээс томуу, томуу төст өвчний шалтгаантай 76.5 хувь нь байна. Өмнөх өдрөөс 13.5 хувиар өссөн байна. Улсын хэмжээнд орны ачаалал нэмэгдэж 1,138 орыг дэлгэн ажиллуулж, сүүлийн 24 цагийн дотор 847 орыг нэмж дэлгэлээ.