“Газар олголтын асуудлаар явуулсан нээлттэй хэлэлцүүлэг”-ийн мөрөөр иргэний нийгмийн байгууллагаас аймгийн удирдлага болоод Сүхбаатар аймгийн Газрын харилцаа барилга хот, байгуулалтын газарт шаардлага хүргүүллээ. Шаардлагад доорхи агуулгууд дурьдагджээ.

Ирэх онд:

1.Баруун-Урт сумын болоод сумдын хэмжээнд иргэнд “Төрөөс газрыг 1 удаа үнэ төлбөргүй өмчлүүлэх”асуудлыг түлхүү анхаарч, газар олголтын бодлого, хувийг өсгөх бодлого барих.

2. Газрыг өмчлүүлэх дэд бүтэц,шугам сүлжээний асуудлыг орон нутгийн төсөвт даацтай тавьж шийдвэрлүүлэх.

3. Хотын хөгжлийн төлөвлөгөөгүй хийгдээгүй яваа Эрдэнэцагаан,Түмэнцогт, Баяндэлгэр сумдын хөрөнгийн асуудлыг орон төсөвт тусгуулан иргэдийн газар өмчлөх эрхийг хангах.

4. Газрын дуудлага худалдааг хуульд заасны дагуу олон нийтэд ил тод нээлттэй зарлан мэдээлж,шударгаар явуулах.

5. Хар тамхины төрлийн ургамал тариалсан “Дорнод агро шим” ХХК-ийн газар эзэмших, ашиглах эрхийг цуцлах зэрэг шаардлагуудыг тус тус тавьсан байна.

Шаардлагыг 2026.05.01-ны өдрийг хүртэл 6 сарын хугацаатай өгсөн бөгөөд Иргэний нийгмийн шаардлагыг хэрэгжүүлэхгүй тохиолдолд Үндсэн хуулийн 16 дугаар зүйлд заасан “ Үг үзэл бодлоо чөлөөтэй илэрхийлэх””Өргөдөл гомдлоо төрийн байгууллага албан тушаалтанд тавьж шийдвэрлүүлэх ”Тайван жагсаал цуглаан хийх” зэрэг эрхээ эдлэхээ мэдэгдлээ.