“Physical Asia” шоунд Япон улсыг төлөөлөн өрсөлдөж байгаа Олимпийн хүрэл медальт, ази тив, дэлхийн аварга Японы жүдоч Соичи Хашимото зодог тайлж байгаагаа зарлалаа.

Ингэхдээ "Олон жил зүтгэсэн жүдо бөхийн спортынхоо өрсөлдөөнт замналаа өндөрлүүлэх шийдвэр гаргалаа. Жүдогоор дамжуулан намайг хөтөлж, дэмжиж, итгэл урам өгч ирсэн бүх хүмүүст чин сэтгэлийн талархал илэрхийлье. Та бүхний тус дэм, сэтгэлийн хүчээр би энэ холыг туулж, мөрөөдлөө биелүүлсэн. Олон бүдэрч, дахин дахин босох шаардлагатай байсан үе олон. Гэсэн ч би татамид хөл тавьж, тэмцээн бүрд итгэлтэй зогссоор ирсэн. Энэ бүхний ачаар би зөвхөн ялалтаас гадна тэвчээр, хатуужил, хүнлэг сэтгэлийг сурч мэдсэн. Цаашид би жүдогоос олж авсан туршлага, үнэт сургамжаа дараагийн үеийн залуу тамирчдад хуваалцаж, шинэ сорилт, шинэ замналыг өөр салбарт үргэлжлүүлэх болно. Жүдогоос сурсан бүхнээ зүрхэндээ тээж, амьдралынхаа дараагийн шатанд чин үнэнч, чин сэтгэлтэйгээр алхана. Бүх зүйлд, бүх хүнд баярлалаа" гэв.