11-р сарын 14-15-ны өдрүүдэд хангайн болон төвийн бүс нутгаар цас орж, улмаар 15-17-ны өдрүүдэд нийт нутгаар хүйтний эрч чангарна. 15-16-нд шилжих шөнө Хангайн нуруу, Завхан, Архангай, Баянхонгорын зарим сумдын нутаг, Улиастай, Баянхонгор хот орчмоор шөнөдөө -24-26 градуст хүрч хүйтэрнэ. Мөн Завханы Идэр, Отгон сум, Баянхонгор аймгийн Гурванбулаг, Галуут, Эрдэнэцогт зэрэг сумдын нутгаар -28-30 градуст хүрч хүйтэрч болзошгүй байгааг эдгээр аймаг, сумдын малчид, иргэд онцгой анхаарч бэлтгэлээ хангана уу.