Эверестийн оргилд гарсан Монголын 17 дахь уулчин ОУХМ Ч.Ариунзул Дэлхийн 7 тивийн оргилд бүрд авирсан SEVEN SUMMITEER уулчин боллоо. Тэрбээр өнөөдөр өглөө /2025.10.27/ Номхон далайн орнуудын хамгийн өндөр оргил болох Пунжак Жаяа оргил гарчээ. Түүний хувьд “14 Peaks Expedition” агентлагийн багтай хамт авиралт хийсэн байна.

Ингэснээр тэрбээр Монголын уулчдын түүхэнд нэрээ мөнхөлж, дэлхийн хэмжээнд “Seven Summiteer” буюу долоон тивийн оргилд авирсан цөөн эмэгтэй уулчдын тоонд багтаж байна.

Долоон тивийн хамгийн өндөр оргилд гарах нь уулчдын гаргаж болох хамгийн том амжилтуудын нэг юм. Долоон тивийн оргилыг заримдаа найман оргил гэдэг. Тус оргилуудад Ази тивийн Эверест, Өмнөд Америкийн Аконкагуа, Хойд Америкийн Денали, Африкийн Килиманжаро, Европын Эльбрус, Антарктидийн Винсон Массиф, Австралийн Костюшко эсвэл Номхон далайн орнуудын Пунчак Жаяа ордог юм. Австрали болон Номхон далайн орнуудын оргилуудыг багтаавал 8 болно.