Улаанбаатараас Увс аймаг явах замд үүрийн 03:20 цагт УБ-аас Увс руу явж байсан 07-08 УВС дугаартай автобусан дотор оюутан жирэмсэн охин гэнэт өвдөөд төрсөн билээ. Тухайн үед зорчиж явсан автобус "Түмэнд нээлттэй хязгаарынхан" ХХК-ынх байсан аж. Тус компанийн удирдлагууд хүүд насан туршдаа нийтийн тээврээр үнэгүй зорчих батламж гардуулж хүндэтгэл үзүүлжээ.

Хүүгийн аавыг Ж.Нямдорж гэдэг Увс аймгийн Зүүнхангай сумын иргэн бөгөөд хүүдээ Дашбаатар хэмээх нэрийг өгчээ.

Эргэн сануулбал, Улаанбаатараас Увс аймаг явах замд үүрээр автобусны зорчигчид жирэмсэн ээжийг эх барьж авсан явдал энэ сарын 15-ны өдрийн үүрээр болсон юм. Үүрийн 03:20 цагт УБ-аас Увс руу явж байсан 07-08 УВС дугаартай автобусан дотор анхны төрөгч оюутан жирэмсэн охин гэнэт өвдсөн аж. Автобусанд явсан эмэгтэйчүүд эх барьж авч, Завхан аймгийн Сонгино сумын эмч сувилагч нар хүйг нь салгаж, хүлээж авсан. Автобусанд мэндэлсэн хүүгийн аав автобусны зорчигчидтой уулзаж, талархлаа илэрхийлж, эх барьж авсан настай эгчид 20 мянган төгрөг өгч, "баярлалаа" гэж талархлаа илэрхийлсэн гэдэг.