Нийтийн тээврийн бодлогын газрын 70044040 дугаарын утсанд 2025 оны 10 дугаар сарын 15-21-ний өдөр иргэдээс дараах талархал, санал, хүсэлт, гомдлыг ирүүлжээ.

• Талархал: Х:1 “Санзайн эцэс-7 буудал” чиглэлийн “Зорчигч тээвэр хоёр” ОНӨААТҮГ-ын 2-236 гарааш дугаартай тээврийн хэрэгслийн жолооч Ж.Дэлгэрсайхан хариуцлагатай жолооч байна, баярлалаа .Миний үнэтэй эд зүйлийг олж өгсөн. Нийтийн тээврийн бодлогын газрын санал, гомдол хариуцсан ажилтнуудад баярлалаа. Та бүхэнд ажлын амжилт хүсьe.
• Талархал: Ч:2 (Шар хадны эцэс-3,4-р хорооллын эцэс) чиглэлд явж байсан 2-204 гарааш дугаартай "Зорчигч тээвэр хоёр" ОНӨААТҮГ-ын жолооч П.Майдар иргэдтэй зөв боловсон найрсаг харилцаж, автобус нь дулаахан, цэвэрхэн тухтай байгаад талархаж байна. Ажлын өндөр амжилт хүсье.

Гомдол: “Зорчигч тээвэр хоёр” ОНӨААТҮГ-ын 2-189 гарааш дугаартай автобусны жолооч утсаар тасралтгүй чанга  ярьж, ая тухтай зорчих нөхцөл хангахгүй байна. Арга хэмжээ авч өгнө үү.

• Шийдвэрлэлт: Камер шалгаж үзэхэд гарын оролцоогүй чихэвчээр утсаар ярьж байна.

Гомдол: Ч:10 (Гадна тойруу-Баянмонгол хороолол- ТЭЦ-3) чиглэлийн 25-024 автобусны жолооч явахгүй гэж хүмүүсээ буулгасан. Гомдолтой байна. Арга хэмжээ авч хариу мэдэгдэнэ үү.

• Шийдвэрлэлт: “Зорчигч тээвэр тав” ОНӨААТҮГ-ын жолоочийг дуудан ирүүлж, анхааруулж сануулсан.

Гомдол: Ч:24Б (Нисэх-МҮИС) чиглэлд явж байгаа 13-104 гарааш дугаартай автобусны жолоочийн зан харьцаанд арга хэмжээ авч хариу өгнө үү. Автобусны зогсоолоос зөндөө хол өнгөрч зогссон, гүйж очиж суугаад шаардлага тавьсан чинь элдэв үгээр доромжилсон.

• Шийдвэрлэлт: “Эрдэм транс” ХХК-ийн 13-104 гарааш дугаартай автобусны камерын бичлэг үзэхэд буудал дээр суудлын автомашинууд дүүрэн байсан тул автобус урд нь орж зогссон. Зорчигчдоо буулгаж, суулгасан. Нэг зорчигч эмэгтэй хэрүүл өдөж автобусны жолоочтой 10 минутын турш хэрэлдсэн. Жолооч буруугүй.

Гомдол: Ч:53 “Яармагийн эцэс-МУБИС” чиглэлийн 13-255 гарааш дугаартай автобусны жолооч 22:39 цагт Таван богдоос хүнээ аваагүй явсан. Гомдолтой арга хэмжээ авч өгнө үү.

• Шийдвэрлэлт: “Эрдэм транс” ХХК-ийн жолоочид торгуулийн арга хэмжээ тооцсон.

Гомдол: Ч:50 (Улаанхуаран-ТЭЦ-3) чиглэлийн 1-127 гарааш дугаартай тээврийн хэрэгслийн жолоочийн зан харилцаанд анхаарч арга хэмжээ авч хариу өгнө үү. Бага насны хүүхдийн хажууд зүй бус үг хэрэглэж, зорчигчтойгоо маргалдаж, зодолдсон.

• Шийдвэрлэлт: “Зорчигч тээвэр нэг” ОНӨААТҮГ-ын ёс зүйн хороонд шийдвэрлэх үүрэг өгсөн.

Эх сурвалж: Нийтийн тээврийн бодлогын газар