Багш нар цалингаа 1000 ам.доллар буюу 3.5 сая төгрөг хүртэл нэмэгдүүлэхийг шаардаж, улс орон даяар хугацаагүй ажил хаялт зарласан. Уг асуудалтай холбоотойгоор Монгол Улсын Хүний эрхийн Үндэсний Комисс дараах мэдэгдлийг гаргалаа. 

Монгол Улсын Үндсэн хуулийн Арван зургадугаар зүйлийн 7 дахь заалтад “хүн бүр сурч боловсрох эрхтэй. Төрөөс бүх нийтийн ерөнхий боловсролыг төлбөргүй олгоно” гэж хүүхдийн сурах эрхийг баталгаажуулсан.

Төр, иргэн, хуулийн этгээд үйл ажиллагаа явуулахдаа хүүхдийн язгуур эрхийг эн тэргүүнд хангаж, хүүхдийн сурч боловсрох эрхийг дэмжин хүндэтгэх үүрэгтэй болохыг Хүүхдийн эрхийн тухай конвенцод заасан байдгийг сануулж байна.